Региональный Руководитель отдела продаж

Биз ўз ишининг профессионалини излаяпмиз

Қуйидаги йўналишларда тегишли кейслар ва аниқ натижаларга эга мутахассис керак:

• Ишлаб чиқаришдан тортиб “полка”гача бўлган дистрибуцияни тизимли ва молиявий самарали тарзда ривожлантириш;

• Бизнеснинг бозордаги улушини ошириш;

• Савдо бўлими ва дистрибьюторлар компетенцияларини ривожлантириш.

Асосий вазифа – компанияни Ўзбекистон бозорида сифат жиҳатдан янги босқичга олиб чиқиш, савдо тизимини яратиш ва такомиллаштириш, маҳсулотларни якуний истеъмолчига сифатли етказиб беришни таъминлаш ҳамда мижозлар, ҳамкорлар орасида лоялликни ошириш.

Биз замонавий бошқарув маданиятини жорий этмоқдамиз ва ривожлантирмоқдамиз. Унда топ-менежмент ва таъсисчилар бизнесни ривожлантириш бўйича илғор ғоя ва таклифларга очиқ.

Сизнинг вазифаларингиз:

• Бўлим молиявий самарадорлиги ва бозор улушини ошириш учун коммерциявий стратегик ва операцион режаларни ишлаб чиқиш, жорий этиш ва такомиллаштириш;

• Савдо режаларини бажариш ва сотув ҳажмини ошириш, ҳудудий қамровни сифат ва миқдор жиҳатдан кенгайтириш;

• Қуйидаги KPI кўрсаткичларига эришиш ва уларни бошқариш:

  • Соф фойда ва тушум режаси;

  • Бўлим харажатларини бюджет доирасида назорат қилиш;

  • Назорат қилинадиган дистрибуция (сонли ва вазнли) режаси;

• Трейд-маркетинг фаолияти ва савдо нуқталари жиҳозларини бошқариш;

Самарали бошқарув:

• Мижоз сегментацияси ва савдо каналлари кесимида ассортимент матрицасини бошқариш;

• Ҳамкорлар ва буюртмачилардаги товар қолдиқлари айланмаси ҳамда дебитор қарздорликни назорат қилиш;

• Ўз брендларимиз улушини рақобатчиларга нисбатан ошириш;

• Ҳамкорлар ва буюртмачилар билан музокаралар олиб бориш, узоқ муддатли муносабатларни шакллантириш, мақсадли ҳудудий савдо тармоқларида иштирокни кенгайтириш;

• Асосий бизнес-жараёнларни жорий этиш ва автоматлаштириш: мижозлар сегментацияси, савдо сиёсати, коммерциявий-молиявий ҳамкорлик сиёсати;

• Савдо нуқталарида маҳсулот жойлаштириш стандартлари, асосий ассортимент ва маркетинг қўллаб-қувватлашни стандартлаштириш, савдо жиҳозларидан фойдаланишни назорат қилиш;

• Ҳамкорлар бизнесини ривожлантириш жараёнларини тизимлаштириш, савдоларни таҳлил қилиш ва прогнозлаш, ҳамкорлардаги асосий компетенцияларни аниқлаш;

• Савдо бўлими ходимларини ривожлантириш стратегияларини ишлаб чиқиш ва амалга ошириш: компетенциялар, ворислик тизими, мотивация ва талантларни ривожлантириш;

• Савдо бўлими ишини оптималлаштириш ва кросс-функционал ҳамкорлик (сервис, таъминот, молия, IT, маркетинг) учун рақамли аналитик тизимларни жорий этиш;

• Савдо бўлими фаолияти бўйича тижорат ва молиявий ҳисоботларни шакллантириш, барча менежмент даражасида самарадорликни кузатиб бориш, шу жумладан Директорлар кенгашига ойлик ҳисоботлар тақдим этиш;

• Компания корпоратив қадриятларини шахсан намоён этиш ва тарғиб қилиш, компания имиджини ички ва ташқи муҳитда қўллаб-қувватлаш.

Биз сиздан нимани кутамиз:

• 500 нафардан ортиқ ходимга эга компанияларда камида 5 йиллик муваффақиятли савдо бошқарув тажрибаси;

• Тизимли ишлайдиган савдо бўлимини яратиш тажрибаси (бизнес-жараёнларни тавсифлаш, автоматлаштириш, ходимларни мувофиқлаштириш);

• Оцифрланган натижаларга эга муваффақиятли кейслар;

• Музокаралар олиб бориш кўникмалари;

• Кучли лидерлик қобилияти;

• Стратегик, аналитик ва тизимли фикрлаш;

• Тижорат ҳисси ва бизнес муаммоларини тез ҳал қилиш қобилияти;

• Барча даражаларда самарали коммуникация (савдо функцияси, кросс-функционал, CEO ва топ-менежмент, Директорлар кенгаши).

Шартлар:

• Ўзбекистон бўйлаб тез-тез хизмат сафарларига тайёрлик (камида 50% вақт);

• Мослашувчан меҳнатга ҳақ тўлаш тизими;

• Ўзбекистон Республикаси Меҳнат кодекси асосида расмий ишга қабул қилиш (шартнома имзоланган кундан);

• 1 йилдан муддатсиз шартномагача тузиш имконияти;

• Моддий ва номоддий рағбатлантириш дастури;

• Байрам мукофотлари;

• Иш берувчи ҳисобидан тушлик;

• Корпоратив сим-карта ва телефон;

• Ҳар йили 20% гача иш ҳақи индексацияси;

• Иш графиги: 5/2, 09:00–18:00 (Қўқон шаҳри);

• Ойлик маош (аванс ва асосий тўлов);

• Малака ошириш имконияти, иш берувчи ҳисобидан ўқитиш;

• Расмий меҳнат таътили – 18 кун.

Суxбат босқичлари:

Резюме чек-листи – рекрутинг ва адаптация бўлими

Телефон орқали интервью – рекрутинг ва адаптация бўлими

Компетенциялар бўйича интервью – Zoom (HRD)

Якуний суҳбат – Қўқон шаҳридаги бош офисда (экспатлар учун Zoom орқали)

🚆 Йўл харажатлари (темир йўл, такси) қопланади.

Zoom орқали суҳбатдан бошлаб ҳар бир босқичда номзод ўз статусини билиб бора олади.