SMM Specialist (Native Kazakh Language Speaker)

New Markets командасы Қазақстан, Өзбекстан, Әзербайжан, Қырғызстан, Тәжікстан мен Грузияда Авиасейлс маркетингін дамыту үшін жұмыс істейді.

Біздің қатарымызда 20-дан астам маман бар: country-менеджерлер, SMM және
маркетинг менеджерлері, редакторлар. Бірге әр нарықтың ерекшелігі мен
сұраныстарын зерттейміз, жаңа идеяларды ойластырамыз, шын трафикті бағалаймыз және түрлі рекордтарды жаңартамыз.

Қазір бізге қазақ тілінде қысқа да нұсқа әрі әзілмен әрлеп жаза алатын (және соны
жақсы көретін!) SMM-маман қажет. Жоспарлы пост қана емес, жергілікті оқиғаларға да көңіл бөліп, қолданушылардың пікіріне жан-тәнімен жауап беретін адамды іздейміз.

Не істеу керек болады?

• Авиасейлстің Қазақстандағы әлеуметтік желілеріне қазақ тілінде контент ойлап табу және жасау;
• жазылушылармен сөйлесу, олардың сұрақтарын қолдау қызметіне жеткізу;
• жергілікті жобаларды жүзеге асыруға көмектесу.

Сізден не күтеміз?

• сіз қазақ тілін ана тілі деңгейінде білесіз және Қазақстандағы өзекті трендтерді жақсы түсінесіз;
• SMM саласында кемінде 1 жыл тәжірибеңіз бар: бізге портфолиоңызды жіберіңіз, онда сіз жұмыс істеген аккаунттарды және олар үшін дайындаған контентті көре аламыз;
• сіз камера алдында өзіңізді сенімді ұстайсыз және өз бейнеңізді көрсетіп видео түсіріп, оны жариялай аласыз;
• сіз графикалық және бейнемонтаж бағдарламаларымен жұмыс істей аласыз және пост не роликті өзіңіз-ақ дайындай аласыз;
• мұқияттылығыңызды байқап көрейік: ілеспе хатпен бірге біздің Tone of Voice-қа сай келетін қазақ тілінде Threads-ке арналған пост жазып жіберіңіз.

Біз қалай жұмыс істейміз?

• әлемнің кез келген нүктесінен фуллтайм жұмыс істеу мүмкіндігі: біз сізді локацияға байламаймыз, еңбекақыны доллармен төлейміз, саяхаттауды жақсы көреміз;
• Орталық Азиядағы ең креативті әрі батыл командалардың бірінде жұмыс істеу;
• бюрократиямен басыңызды ауыртпаймыз: ыңғайлы да түсінікті процестер, ашық әрі тең дәрежелі коммуникация, идеяларды жылдам талқылау және шешім қабылдау.